Երեւանի Պռոշյան-Դեմիրճյան խաչմերուկի մոտ քաղաքացին ինքնահրկիզում է կատարել: Այս մասին հայտնեց ԱԻՆ մամուլի խոսնակ Հայկ Կոստանյանը:
Տարածքում հերթապահող ոստիկանները փորձել են կանխել մոտ 30 տարեկան երիտասարդի քայլը, սակայն չեն հասցրել, երիտասարդը ինքնահրկիզվել է:
Ոստիկանները կրակը հանգցրել են: Շտապօգնությունը ուշագնաց վիճակում տղամարդուն տեղափոխել է հիվանդանոց:
Քիչ առաջ հայտնել էինք, որ կառավարական առանձնատան մոտ երիտասարդ է ինքնահրկիզվել։