Հոկտեմբերի 22-ին խոշոր ավտովթար է տեղի ունեցել Լոռու մարզում։ Ժամը 13։00-ի սահմանում Սպիտակ-Վանաձոր ավտոճանապարհի 5-րդ կմ հատվածում բախվել են Opel Vectra և КамАЗ մակնիշի ավտոմեքենաները, գրում է shamshyan.com-ը:
Ըստ աղբյուրի՝ վթարի հետևանքով Opel-ի վարորդը մարմնական վնասվածքներով տեղափոխվել է «Սպիտակ» բժշկական կենտրոն։ Վիրավորին առաջինն օգնության են հասել քաղաքացիները և օպերատիվ են գործել ԱԻՆ ՓԾ Սպիտակի թիվ 41 հրշեջ-փրկարարական ջոկատի փրկարարները, որոնք նաև տուժածին մոտեցրել են շտապօգնության ավտոմեքենային։
Բժիշկները վիրավորին, ով ծայրահեղ ծանր վիճակում է, մինչև հիվանդանոց տեղափոխելը, տեղում առաջին բուժօգնությունն են ցուցաբերել։
Վթարի փաստով Սպիտակի քննչական բաժնում նախաձեռնվել է վարույթ։ Քննիչի հանձնարարականով՝ ավտոմեքենաները, որոնք տեղում հոսանքազրկել էին հրշեջ-փրկարարներն ու փակել էին գազաբալոնը, տեղափոխվել են ոստիկանության Սպիտակի բաժնի պահպանվող հատուկ տարածք։