Ամեն ինչ արեցի, որ Արկադին ու Վրույրն առերեսվեն, բայց այն տեղի չունեցավ, պատճառաբանում են, թե Վրույրը չի ցանկանում։ Այս մասին այսօր MediaHub-ի հետ զրույցում ասաց Պեմզաշենում 2022 թվականի նոյեմբերի 9-ին տեղի ունեցած դաժան սպանությունների գործով մեղադրյալ Արկադի Բարսեղյանի պաշտպան Վլադիմիր Մարտիրոսյանը։ 

Նշենք, որ Շիրակի մարզի Պեմզաշեն համայնքում նախորդ տարի նոյեմբերի 9-ին 31-ամյա Զարինե Մելիքսեթյանի և նրա երկու անչափահաս երեխաների դաժան սպանությունների մեջ մեղադրվող ազգականներ Արկադի և Վրույր Բարսեղյանները կալանավորված են։ Նախաքննությունն ավարտվել է, մեղադրական եզրակացությունը մինչև երկուշաբթի կպատրաստվի: 

Արկադին շարունակում է իր մեղքը չընդունել և ասել, որ դեպքի վայրում չի եղել և սպանության հետ որևէ կապ չունի։ Հարցին՝ Արկադին կարողանո՞ւմ է ընտանիքի հետ շփում ունենալ, վերջինս պատասխանեց․ «Տեսակցությունները բաց չեն, կալանքից 2 ամիս անց արդեն հնարավոր էր հանդիպել»,ասաց նա։ 

Հիշեցնենք՝ սպանության կասկածանքով նոյեմբերի 12-ին ձերբակալվել էր Շիրակի մարզի 32-ամյա բնակիչ Վրույր Բարսեղյանը, որը ոստիկանությունում ինքնախոստովանական ցուցմունք էր տվել՝ նշելով, որ սպանության օրն իր հետ է եղել նաև իր ազգական 36-ամյա Արկադի Բարսեղյանը։

Մեկ տարի առաջ՝ նոյեմբերի 9-ին Շիրակի մարզի Պեմզաշեն համայնքում դաժանաբար սպանվեցին 31-ամյա Զարինե Մելիքսեթյանն ու նրա երկու անչափահաս երեխաները: Այս սպանությունը ցնցեց Հայաստանը: Դաժան սպանությունների մեջ մեղադրվող ազգականներ Արկադի և Վրույր Բարսեղյանները կալանավորված են։ 

Սպանության կասկածանքով նոյեմբերի 12-ին ձերբակալվել էր Շիրակի մարզի 32-ամյա բնակիչ Վրույր Բարսեղյանը, որը ոստիկանությունում ինքնախոստովանական ցուցմունք էր տվել՝ նշելով, որ սպանության օրն իր հետ է եղել նաև իր ազգական 36-ամյա Արկադի Բարսեղյանը։ 

Վերջինս իր մեղավորությունը չի ընդունում:

Լիաննա Թորոսյան