Հայաստանի ԱԳՆ-ն պարբերաբար մեկնաբանություններ է անում այլ երկրների ղեկավարների հայտարարությունների վերաբերյալ. այս մասին ТАСС-ին հայտնել է Երևանում դիվանագիտական աղբյուրը՝ ուշադրություն հրավիրելով Նիկոլ Փաշինյանի այն խոսքերի վրա, որ ՌԴ ԱԳՆ ներկայացուցիչը չի կարող մեկնաբանել իր հայտարարությունները։
Դիվանագիտական աղբյուրը ուշադրություն է հրավիրել այն փաստի վրա, որ Հայաստանի ԱԳՆ-ն պարբերաբար մեկնաբանում է այլ երկրների ղեկավարների հայտարարությունները.
«Գուցե Փաշինյանի գլխին ուղղակի սարքել են»,- ասել է աղբյուրը։
Հիշեցնենք, որ այսօր Ազգային ժողովում ՀՀ վարչապետ Նիկոլ Փաշինյանը Կառավարություն-ԱԺ հարցուպատասխանի ժամանակ, պատասխանելով «Քաղաքացիական պայմանագիր» խմբակցության պատգամավոր Արփի Դավոյանի հարցին, ասել էր․
«Ես չգիտեմ, թե ԱԳՆ որ ներկայացուցիչն է նման հայտարարություն արել, բայց ՌԴ ԱԳՆ ներկայացուցիչն իմ զրուցակիցը լինել չի կարող։ Նույնիսկ ՌԴ նման հարգելի պետության ԱԳՆ ներկայացուցիչն իմ ասածը չի կարող մեկնաբանել, այն պետք է պարզապես ականջին օղ անի»։