ԱՄՆ նախագահ Դոնալդ Թրամփն իր Truth Social սոցիալական ցանցում հայտարարել է, որ հրամայել է ֆինանսների նախարարությանը դադարեցնել 1 ցենտանոց մետաղադրամների թողարկումը, քանի որ դրանց «արտադրության արժեքը գերազանցել է դրանց անվանական արժեքը»։
«Շատ երկար ժամանակ Միացյալ Նահանգները հատել է փեննիներ, որոնք բառացիորեն ավելի քան 2 ցենտ արժեն»,- գրել է նա։
Հունվարի վերջին Կառավարության արդյունավետության դեպարտամենտը (DOGE), որը ղեկավարում է միլիարդատեր Իլոն Մասկը, հայտնել է, որ դրամահատարանը ծախսում է մոտ 3 ցենտ յուրաքանչյուր կոպեկի արտադրության համար։ Գերատեսչությունը հայտնել է, որ 2023 ֆինանսական տարում հատվել է ավելի քան 4,5 միլիարդ փեննի (մետաղադրամների ընդհանուր թվի մոտ 40%-ը), ինչը հարկատուներին արժեցել է ավելի քան 179 միլիոն դոլար:
ԱՄՆ-ում մեկ ցենտանոց մետաղադրամները հատվել են 1793 թվականից։ Դրամահատարանը գնահատել է, որ յուրաքանչյուր մետաղադրամի արտադրման և բաշխման արժեքը ներկայումս կազմում է մոտ 3,7 ցենտ: