Երևանի ավագանու սպասվող ընտրությունների ժամկետների մասին հստակություն դեռ չկա, բայց քաղաքական ուժեր կան, որոնք նախատեսում են մասնակցել ընտրություններին։ «Ապրելու երկիր» կուսակցությունը ևս մասկացելու է և, ըստ մամուլի, կուսակցության առաջին համարը լինելու է Մանե Թանդիլյանը, սակայն ավելի ուշ տարածվեցին տեղեկություններ, որ կուսակցությունը գլխավորելու է ռուսաստանաբնակ Ռուբեն Վարդանյանը։
MediaHub.am-ը «Ապրելու երկիր» կուսակցությունից փորձեց հստակեցնել, արդյոք մամուլում շրջանառվող տեղեկությունները համապատասխանու՞մ են իրականությանը, սակայն պատասխանեցին, որ դեռ չեն ընտրել ավագանու ցանկը գլխավորող իրենց թեկնածուին։
MediaHub.am-ը փորձեց նաև կապ հաստատել Մանե Թանդիլյանի հետ, սակայն նա զանգերին չպատասխանեց։
Լիաննա Թորոսյան