Կուրսկում 16-ամյա դեռահասը հարձակվել է դպրոցի վրա։
Նախնական պատճառը սովորողներից մեկի հանդեպ անպատասխան սերն է։
Բալակլավայով ու գլխարկով դպրոցականը Երևանի ժամանակով առավոտյան 9-ի սահմաններում ներխուժել է Կուրսկի թիվ 54 դպրոց և մուրճով ջարդել երկու պատուհան։ Պահակը չի կարողացել կանգնեցնել նրան ու սեղմել է ահազանգի կոճակը։ 3 րոպեի ընթացքում հարձակվողն անհետացել է՝ թողնելով դանակներ և դյուրավառ հեղուկ պարունակող պայուսակ։ Անվտանգության մասնավոր աշխատակիցները ժամանել են 4 րոպե անց։
Դեռահասին արդեն բերման են ենթարկել։ Նա սովորել է նույն դպրոցում, իսկ հիմա գնում է մեկ այլ դպրոց, գրել են ԶԼՄ-ները։
Անձնակազմն աշխատում է ընտանիքի և դպրոցի տնօրինության հետ։ Իրավապահները նրան բերման են ենթարկել իր տան մոտ տեղի ունեցած միջադեպից անմիջապես հետո։ Հարձակումից մեկ ժամ առաջ դեռահասը սոցցանցային իր էջում գրառում է թողել, որտեղ հիշատակվել է մի կազմակերպություն, որը դեռահասներին դրդում է բռնության և վտանգավոր խաղերի։