Կաբարդա-Բալկարիայում զբոսաշրջիկը մահացել է հարազատների աչքի առաջ՝ հանուն տպավորիչ լուսանկարի․ այս մասին հաղորդում է REN լրատվամիջոցը։

Կինը եղել է էքստրեմալ սպորտի սիրահար։ Ողբերգության ականատեսները նրա հարազատներն են եղել։

Էլբրուսի շրջանում աղջիկը որոշել է գեղեցիկ սելֆի անել՝ վտանգելով իր կյանքը։ Արդյունքում նա ընկել է արագ հոսք ունեցող լեռնային գետը։ Ընտանիքը չի կարողացել օգնել։

Զբոսաշրջիկի դիակը փրկարարները հայտնաբերել են վթարի վայրից երկու կիլոմետր հեռավորության վրա։ Քննիչները ողբերգության դեպքով հետաքննություն են սկսել։