Բրիտանական արքայազն Հարրիի և նրա կնոջ՝ Մեգան Մարքլի երեխան քիչ էր մնում մահանար հրդեհի հետևանքով, երբ նրա ծնողները բացակայում էին։ Այս մասին հայտնում է Metro հրատարակությունը. գրում է Shantnews.am-ը։
Մեգան Մարքլը Archetypes-ի իր փոդքաստում հայտնել է, որ դեպքը տեղի է ունեցել 2019 թվականին, երբ նա և արքայազն Հարրին պաշտոնական այցով մեկնել են Աֆրիկա։ Նրանց որդին՝ Արչին, որն այն ժամանակ չորսուկես ամսական էր, մնացել է Մեծ Բրիտանիայում՝ դայակների հետ:
Մարքլի խոսքով՝ ինքն ու իր ամուսինն իմացել են հրդեհի մասին Զիմբաբվեի Նյանգա քաղաքում ելույթ ունենալուց հետո։ Նրանց ծանուցել են, որ վառարանը վառվել է այն սենյակում, որտեղ Արչին պետք է քներ։ Ծխի հոտը զգացել է միջանցքով անցնող աշխատակիցներից մեկը, ուստի հրդեհը ժամանակին մարվել է։
Բարեբախտաբար, հրդեհի ժամանակ Արչին սենյակում չի եղել։ Դայակը, ով պետք է նրան քնեցներ, որոշել է սնվել և երեխային տարել է իր հետ։
Մարքլը պնդում է, որ այդ լուրը ցնցել է և՛ իրեն, և՛ Հարրիին, սակայն նրանք ստիպված են եղել շարունակել այցը և մասնակցել պաշտոնական միջոցառումներին, կարծես ոչինչ չի եղել։
Արքայազն Հարրին և Մեգան Մարքլը երկու երեխա ունեն. նրանց ավագ որդին՝ Արչի Հարիսոն Մաունթբաթեն-Վինձորը, ծնվել է 2019թ. ։2021 թվականին բրիտանական թագավորական ընտանիքի անդամների լիազորությունները թողնելուց և ԱՄՆ տեղափոխվելուց հետո Մեգանն ու Հարրին դուստր ունեցան: