Վրաստանի արտգործնախարար Իլյա Դարչիաշվիլին իր թվիթերյան միկրոբլոգում գրառում է արել և շնորհավորել Ուկրաինային Անկախության օրվա առթիվ։
Դարչիաշվիլին գրել է, որ Վրաստանը համերաշխություն է հայտնում Ուկրաինային և պաշտպանում է նրա ինքնիշխանությունն ու տարածքային ամբողջականությունը:
«Շնորհավորում եմ Ուկրաինային Անկախության հատուկ օրվա առթիվ: Թող պատերազմը շուտ ավարտվի, և թող Ուկրաինան ավելի ուժեղ դուրս գա այս փորձությունից, որպեսզի նրա ժողովուրդը կարողանա ապրել ազատ և բարգավաճ երկրում»,- գրել է Դարչիաշվիլին:
Վրացական լրատվամիջոցների փոխանցմամբ՝ Թբիլիսիում ընթանում է երթ՝ նվիրված Ուկրաինայի անկախության օրվան։
Հանրահավաքի մասնակիցները երթով շարժվում են Առաջին Հանրապետության հրապարակից Վրաստանի խորհրդարանի շենք։
Ուկրաինական քարոզարշավին մասնակցում են տարբեր քաղաքական կուսակցությունների ներկայացուցիչներ, քաղաքացիական ակտիվիստներ և Ուկրաինայի քաղաքացիներ։