Թուրքիայի նախագահ Ռեջեփ Թայիփ Էրդողանը հայց է ներկայացրել ընդդեմ ընդդիմադիր Ժողովրդահանրապետական կուսակցության Օզղուր Օզելի և Ստամբուլի քաղաքապետ Էքրեմ Իմամօղլուի՝ իր հասցեին վիրավորական արտահայտությունների համար, հաղորդել են թուրքական ԶԼՄ-ները՝ վկայակոչելով Էրդողանի փաստաբան Ահմեդ Օզելին։
Որպես բարոյական փոխհատուցում՝ նա յուրաքանչյուրից պահանջել է 1 միլիոն թուրքական լիրա (29 հազար դոլար)։
Դատական հայցերի պատճառ են դարձել հոկտեմբերի 31-ին Ստամբուլում Էրդողանի դեմ ցույցի ժամանակ ընդդիմության ներկայացուցիչների հայտարարությունները Էսենյուրտի տեղական քաղաքապետարանի ղեկավար Ահմետ Օզերի՝ ահաբեկչական գործունեության մեղադրանքով ձերբակալության մասին։ Օզերը ԺՀԿ-ի անդամ է։
Օզերը կալանավորվել է դատախազության որոշման հիման վրա։
Իրավապահները տեղեկություններ են հայտնել Քրդստանի աշխատավորական կուսակցության ղեկավարության ներկայացուցիչների հետ նրա բազմաթիվ հեռախոսազրույցների մասին։ Նույն օրը նա դատարանի կողմից ձերբակալվել է Քրեական օրենսգրքի «Մասնակցություն ՔԲԿ զինված ահաբեկչական կազմակերպության գործունեությանը» հոդվածի հատկանիշներով ու պաշտոնանկ արվել։ Հոկտեմբերի 31-ին Ստամբուլում ԺՀԿ-ի կոչով ցույց է՝ ի պաշտպանություն Ստամբուլի ամենամեծ մունիցիպիալիտետի ղեկավարի։