Շատ ծանր արտահայտություն է՝ հանուն ոչնչի․ շատ հայտնի մի մարդ նման բան ասել էր։ Այդ մասին այսօր հրավիրված ասուլիսում ասաց Արցախի ԱԺ նախագահ Դավիթ Իշխանյանը՝ պատասխանելով հարցին, թե հնարավո՞ր է մի օր հաստատվի, որ 120 հազար մարդ այսքան զրկանք է կրում հանուն ոչնչի։
Նա նկատեց, որ գոնե իրենց պարագայում հանուն ոչնչի ոչինչ չի լինում։
«Ես համաձայն չեմ, որ իննսունականների մեր հաջողությունները զրոյացվեցին 2020-ին։ Մենք ճակատամարտն ենք տանուլ տվել, բայց պատերազմը շարունակվում է»,- շեշտեց նա։
Դավիթ Իշխանյանի դիտարկմամբ՝ այսօր տեղի ունեցողն էլ պատերազմի շարունակությունն է։
«Եթե շատ հաճախակի չենք լսում կրակոցներ, չի նշանակում, որ պատերազմն ավարտվել է։ Նոյեմբերի իննի հայտարարությունը ուզենք-չուզենք զինադադար է»,- ասաց Իշխանյանը։
Մանրամասները՝ տեսանյութում։