Պաշտպանության նախարար Սուրեն Պապիկյանն այցելել է Այրվածքաբանության ազգային կենտրոն՝ հունվարի 19-ին հրդեհի հետևանքով տարբեր աստիճանների այրվածքներ ստացած զինծառայողներին տեսակցելու նպատակով: 

Բուժանձնակազմը պաշտպանության նախարարին մանրամասներ է ներկայացրել զինծառայողների առողջական վիճակի և բուժման ընթացքի վերաբերյալ: 

Զրուցելով զինծառայողների հետ, նախարար Պապիկյանը նրանց մաղթել է շուտափույթ ապաքինում:

Հիշեցնենք, որ 15 զինծառայողի կյանք է խլած ողբերգական հրդեհը տեղի է ունեցել հունվարի  19-ին: Մինչ օրս Այրվածքաբանության կենտրոնում բուժում ստացող երեք զինծառայողներին որևէ պաշտոնյա, բացի ԱԺ նախագահ Ալեն Սիմոնյանից, չէր այցելել: Այդ թվում նաև Առողջապահության նախարար Անահիտ Ավանեսյանը, որը նույն օրը մեկնել էր գործուղման: