ԱՄՆ նախագահ Դոնալդ Թրամփը կարծում է, որ ռուսական կողմը կհամաձայնի ուկրաինական հակամարտության կարգավորման վերաբերյալ պայմանավորվածություններին։
«Ռուսաստանից բավականին լավ նորություններ եղան», - ասել է նա լրագրողներին ուրբաթ օրը Վաշինգտոնին մոտ «Էնդրյուս» ռազմաօդային բազայում՝ նախքան Ֆլորիդա թռչելը:
«Կարծում եմ, որ Ռուսաստանը մեզ հետ գործարք կկնքի: Ես հույս ունեմ»,- նշել է ամերիկացի առաջնորդը։ Նա չի պարզաբանել, թե կոնկրետ ինչ լուրերի մասին է խոսքը։
«Մենք խոսել ենք Պուտինի հետ»,- ասել է Թրամփը՝ նկատի ունենալով հինգշաբթի օրը Ռուսաստանի պետության ղեկավարի և ԱՄՆ նախագահի հատուկ բանագնաց Սթիվեն Վիտկոֆֆի միջև տեղի ունեցած զրույցը։
«Մենք շատերի հետ ենք խոսել, Ուկրաինան սպասում է»,- ընդգծել է Թրամփը։
«Հրադադարի և, ի վերջո, համաձայնության հասնելու առումով ես բավականին լավ ազդանշաններ եմ ստանում Ռուսաստանից»,- ասել է Թրամփը։