Եվրոպացի առաջնորդները ծրագրում են չորեքշաբթի երեկոյան Բրյուսելում հանդիպել Ուկրաինայի նախագահ Վլադիմիր Զելենսկու և ՆԱՏՕ-ի ղեկավար Մարկ Ռյուտեի հետ՝ քննարկելու խաղաղության ծրագրերը և Ուկրաինա խաղաղապահ ուժերի հնարավոր տեղակայումը:

Հանդիպումը տեղի է նախատեսվում է ԱՄՆ նորընտիր նախագահ Դոնալդ Թրամփի ճնշումից հետո, որպեսզի եվրոպական երկրները վերահսկեն Կիևի և Մոսկվայի միջև խաղաղության ցանկացած ապագա  համաձայնագիր՝ զորքեր ուղարկելով Ուկրաինա, POLITICO-ին ասել են հանդիպման մասին տեղյակ 5 հոգի:

Բացի Ռյուտեից և Զելենսկիից, հրավիրված մասնակիցներն են՝ Գերմանիայի կանցլեր Օլաֆ Շոլցը, Ֆրանսիայի նախագահ Էմանուել Մակրոնը, Լեհաստանի նախագահ Անջեյ Դուդան, Եվրոպական խորհրդի նախագահ Անտոնիո Կոստան և Եվրոպական հանձնաժողովի նախագահ Ուրսուլա ֆոն դեր Լայենը։

Այս լուրն առաջինը հայտնել է լեհական մամուլի գործակալությունը։ Reuters-ը հայտնել է, որ մասնակցելու են նաև Իտալիայի վարչապետ Ջորջիա Մելոնին և Մեծ Բրիտանիայի վարչապետ Քիր Սթարմերը:

Շոլցի, ֆոն դեր Լայենի, Մակրոնի, Կոստայի և Ռյուտեի խոսնակների հետ չի հաջողվել կապ հաստատել, կամ էլ նրանք հրաժարվել են մեկնաբանել, հայտնել է POLITICO-ն։

Հանդիպումը կկազմակերպվի չորեքշաբթի կեսօրին ԵՄ-Արևմտյան Բալկաններ գագաթնաժողովի շրջանակներում, որի համար ԵՄ առաջնորդները կմեկնեն Բրյուսել: