Սպիտակ տունը Իրանին ստի մեջ է մեղադրել՝ պնդելով, որ Թեհրանը «ստում է», երբ հերքում է Ռուսաստանին անօդաչու թռչող սարքերի մատակարարումը։
Սպիտակ տան մամուլի քարտուղար Կարին Ժան-Պյերն ասել է, որ կան «Ռուսաստանի կողմից դրանք ռազմական եւ քաղաքացիական թիրախների դեմ օգտագործելու լայնածավալ ապացույցներ», եւ Թեհրանը, ըստ երեւույթին, դիտարկում է «այդ զենքերից ավելի շատ Մոսկվային վաճառելու հնարավորությունը»:
«Այսօր առավոտյան դուք բոլորդ նաեւ տեսաք հաղորդումներ այն մասին, թե ինչպես է իրանական անօդաչու թռչող սարքը հարվածել Կիեւի կենտրոնին: Սակայն Իրանը շարունակում է ստել այդ մասին»,- ասել է նա լրագրողներին:
Պետդեպի ներկայացուցիչ Վեդանտ Պատելը նշել է, թե ԱՄՆ-ը համաձայն է Մեծ Բրիտանիայի եւ Ֆրանսիայի այն գնահատականի հետ, որ Իրանի կողմից Ռուսաստանին անօդաչու սարքերի մատակարարումը կխախտի ՄԱԿ Անվտանգության խորհրդի 2231 բանաձեւը: