Իլոն Մասկի գլխավորած ներդրողների կոնսորցիումը հայտ է ներկայացրել «OpenAI»-ի տնօրենների խորհրդին՝ 97,4 միլիարդ դոլարով ձեռք բերելու ընկերության կառավարումը, գրել է «The Wall Street Journal»-ը։

Ընկերությանն է պատկանում «ChatGPT» չաթբոտը։

«OpenAI»-ի գործադիր տնօրեն Սեմ Ալթմանը պատասխանել է X սոցիալական ցանցում. «Ոչ, շնորհակալություն, բայց եթե ցանկանաք, մենք կարող ենք գնել Twitter-ը 9,74 միլիարդ դոլարով»:

Մասկը ձեռք է բերել Twitter-ը 2022 թվականին 44 միլիարդ դոլարով և այն վերանվանել X։

Մասկն «OpenAI»-ի համահիմնադիրն է եղել (լքել է ընկերության խորհուրդը 2018 թվականին), համաձայն չէ դրա՝ կոմերցիոն գործունեության անցնելու հետ։ Նա դատի է տվել «OpenAI»-ին և Ալթմանին ընկերության առևտրայնացման համար: Նրա կարծիքով՝ «OpenAI»-ը վերածվել է «Microsoft»-ի դե ֆակտո փակ կոդով դուստր ձեռնարկության:

«Ժամանակն է, որ OpenAI-ն վերադառնա բաց նախնական կոդին»,- ասել է Մասկը։

Գործարարին աջակցել է իր AI ստարտափը X.AI: (հիմնադրվել է 2023 թվականի մարտին), որը գործարքից հետո կարող է միաձուլվել OpenAI-ի հետ։ Նա նաև ապահովել է մի քանի ներդրողների աջակցությունը, այդ թվում՝ Valor Equity Partners, Baron Capital, Atreides Management, Vy Capital, 8VC և այլն: