SpaceX-ի և Tesla-ի գործադիր տնօրեն Իլոն Մասկը շախմատի աշխարհի չեմպիոն Գարի Կասպարովին ապուշ է անվանել։ Այս մասին գրում է Life-ը:

Դա տեղի է ունեցել այն բանից հետո, երբ գրոսմայստերը դատապարտել է Ռուսաստանի և Ուկրաինայի միջև խաղաղության հասնելու՝ մեծահարուստ գործարարի ծրագիրը։

«Ինչո՞ւ են մարդիկ, Սիլիկոնյան հովտի իրենց առանձնատներում նստած, Ուկրաինային պատմում, թե ինչպես վարել իրենց գործերը: Սա բարոյական հիմարություն է և աշխարհաքաղաքական կուրություն», - ասել է Կասպարովը CNBC-ի եթերում:

Այս մեկնաբանությունը Իլոն Մասկը անպատասխան չի թողել:

Շախմատիստի հետ հարցազրույցի տեսանյութը մեկնաբանելով՝ գործարարը գրել է. «Չնայած ճիշտ է, որ Կասպարովը շախմատ խաղում է գրեթե նույնքան լավ, որքան իմ iPhone-ը, մնացած ամեն ինչում նա ապուշ է»: 

Մասկը նաև հավելել է, որ մանուկ հասակում շախմատն իրեն շատ հեշտ խաղ է թվացել։