Հայկական ընդդիմադիր «Մայր Հայաստան» դաշինքի առաջնորդ Անդրանիկ Թևանյանը պատվիրակության հետ առաջին անգամ այցելել է Դոնեցկ, այցը մարդասիրական բնույթի է։Այս մասին Թեւանյանը հայտարարել է լրագրողների հետ զրույցում, նրա խոսքերը մեջբերել է ՌԻԱ Նովոստին։
«Աննախադեպ այց, քանի որ մինչ այս Հայաստանից ոչ մի քաղաքական պատվիրակություն չի այցելել այստեղ»,- ընդգծել է նա։
Ըստ Թևանյանի՝ հայկական ընդդիմության ժամանումը Դոնբաս վկայում է այն մասին, որ Հայաստանում կան ուժեր, որոնք ջատագովում են Երևանի և Մոսկվայի միջև հարաբերությունների զարգացումն ու ամրապնդումը։ Ինչպես նշել է հայ ընդդիմադիրը, այցը կազմակերպվել է Դոնբասի տեղի հայ համայնքի նախաձեռնությամբ։