Չինաստանի հարավարևմտյան Տիբեթի ինքնավար մարզում 6,8 մագնիտուդով երկրաշարժից հետո սեյսմոլոգները գրանցել են 515 հետցնցումներ, չորեքշաբթի հայտնել է Չինաստանի սեյսմոլոգիական կենտրոնը։

«Հունվարի 8-ի ժամը 8.00-ի (Մոսկվայի ժամանակով 3.00) դրությամբ գրանցվել է ընդհանուր առմամբ 515 հետցնցում, այդ թվում՝ 488 հետցնցում 3.0 մագնիտուդից ցածր, 27 հետցնցում 3.0 և ավելի մագնիտուդով, մասնավորապես 24-ը՝ 3 մագնիտուդովից մինչև 3,9-ը եւ երեք հետցնցում ուժգնությամբ 4.0-ից 4.9»,- ասված է կենտրոնի հաղորդագրության մեջ։

4,4 մագնիտուդով առավելագույն հետցնցումը գրանցվել է հիմնական ցնցման էպիկենտրոնից մոտավորապես 18 կիլոմետր հեռավորության վրա, հայտնել են սեյսմոլոգները:

6.8 մագնիտուդով երկրաշարժ է տեղի ունեցել երեքշաբթի տեղական ժամանակով 09.05-ին (Մոսկվայի ժամանակով 04.05-ին) Տիբեթի Ինքնավար Մարզի Շիգացի շրջանի Տինգրի կոմսությունում , երկրաշարժի աղբյուրը գտնվել է տասը կիլոմետր խորության վրա։
Վերջին տվյալներով՝ զոհվել է 126 մարդ, եւս 188-ը ստացել են տարբեր ծանրության վնասվածքներ։