Վաղը ««Քաղաքացիական պայմանագիր» կուսակցության կայանալիք վարչության և վերահսկող հանձնաժողովի ընտրությունների համար առաջադրվել է համապատասխանաբար 48 և 16 թեկնածու։
Վարչության անդամի թեկնածուների ցանկը գլխավորում է Նիկոլ Փաշինյանը, հետո արդեն պատգամավորների գերակշռող մասն է, հետո՝ նախարարներ և այլն։
Թեկնածուների շարքում է նաև Երևանի փոխքաղաքապետ Տիգրան Ավինյանը և, ըստ էության, Սուրեն Պապիկյանին հենց նա կհաջորդի, քանի որ կուսակցությունում որպես վարչության նախագահ նրա անունն է շրջանառվում։
Մամուլում խոսվում է, որ հիմնական հավակնող թեկնածուները Պապիկյանն ու Ավինյանն են, սակայն MediaHub.am-ի աղբյուրի փոխանցմամբ՝ Տիգրան Ավինյանի ընտրվելն ամենահավանական տարբերակն է։