Ադրբեջանի իշխանությունը 2022թ-ին մեկնարկել է նոր նախագիծ, որը կոչվում է «Վերադարձի մեծ հայեցակարգ», որի շրջանակում ՀՀ ողջ տարածքը դիտարկվում է որպես ադրբեջանական։ Այս մասին մամուլի ասուլիսի ժամանակ հայտնեց ՀՀ նախկին ՄԻՊ, Իրավունքի եւ արդարության կենտրոն «Թաթոյան» հիմնադրամի տնօրեն Արման Թաթոյանը։
«Մի շարք պաշտոնյաներ արդեն հստակ նշում են 29,800 քկմ թիվը։ Ադրբեջանում գոյություն ունի փախստականների միավորում, որը հիմա անվանափոխվել է և դարձել է «Արևմտյան Ադրբեջանի համայնք», հիմա իրենք ինտեսիվ աշխատանք են տանում և թիրախավորում են Հայ Առաքելական եկեղեցին։ Վանական և եկեղեցական համալիրները ողջ ՀՀ տարածքում թիրախավորված են, նաև ադրբեջանական կողմը առաջ է քաշում «համերաշխության օրակարգ», ըստ որի առաջարկում են վերադարձնել վանական համալիրները և եկեղեցիները իրական տերերին, օրինակ՝ Կովկասի ալբանացիներին և ուդիներին։ Հայ Առաքելական եկեղեցին հռչակել են հինգերորդ շարասյուն»,- նշեց Թաթոյանը։
Մանրամասները՝ տեսանյութում