Երեկ՝ փետրվարի 27-ին, ավտովթար է տեղի ունեցել Երևանում։ Ժամը 22։30-ի սահմաններում Բագրատունյաց պողոտա և Արտաշեսյան փողոցների խաչմերուկում,  բախվել են «Lada Priora» և «Volkswagen Golf» մակնիշի ավտոմեքենաները, ինչի հետևանքով վերջինը բախվել է կայանված «Volkswagen» մակնիշի ավտոմեքենային։

Ինչպես հայտնում է ֆոտոլրագրող Գագիկ Շամշյանը, վթարի հետևանքով 1 հոգի մարմնական վնասվածքներով տեղափոխվել է հիվանդանոց։

Վթարի փաստով քննչական բաժնում նախաձեռնվել է քրեական վարույթ: