Ես պոլիտիկայով չեմ զբաղվում, չեմ էլ լսում, չեմ նայում, չեմ էլ հետաքրքրվում։ Այս մասին MediaHub.am-ին ասաց «Մոսկվայի տուն» մշակութագործարարական կենտրոնի գլխավոր տնօրեն Վահրամ Կարապետյանը՝ լսելով հարցը, թե ինչպես կմեկնաբանի, որ ՀՀ-ն արգելել է Պետական դումայի պատգամավոր Կոնստանտին Զատուլինի և RT հեռուստաընկերության և “Россия сегодня” գործակալության գլխավոր խմբագիր Մարգարիտա Սիմոնյանը մուտքը Հայաստան:

Դիտարկմանը, թե խոսքը ռուսաստանցի հայտնի գործիչների մասին է, Կարապետյանը նշեց.

«Ընդհանրապես հեռուստացույց չեմ նայում, նորություններ չեմ կարդում»: Ապա հավելեց՝ «դա ինձ չի վերաբերում, թող իրենք լուծեն»։

Նշենք, որ Երևանում Մոսկվայի տան գործունեությունը միտված է Երևանի և Մոսկվայի միջև սերտ կապերի և համագործակցության ամրապնդմանն ու Ռուսաստանի և Հայաստանի միջև համապարփակ հարաբերությունների զարգացմանը: Եվ Վահրամ Կարապետյանի նման արձագանքը այն պահին, երբ հայ-ռուսական հարաբերությունները նման հարվածի տակ են, մեղմ ասած՝ զարմանալի է: