Արդեն գրել ենք, որ ըստ մեր աղբյուրների` Արցախի պետնախարար Ռուբեն Վարդանյանը կազատվի զբաղեցրած պաշտոնից։
Համապատասխանո՞ւմ են իրականությանը մեր լուրերը, փորձեցինք պարզել պետնախարարի գրասենյակից։
Վարդանյանի մամուլի խոսնակը զանգերին չպատասխանեց, թերևս Արցախում կապի խնդիրն է պատճառը։
Պետնախարարի խորհրդական Դավիթ Բաղրյանի հետ կապ հաստատել հաջողվեց, սակայն նա պնդեց, որ որևէ տեղեկություն չունի, եթե անգամ կա նման որոշում, ապա ինքը տեղյակ չէ։
Վարդանյանի խորհրդականներից Արտակ Բեգլարյանն էլ, որը Բերձորի միջանցքը փակվելու հետևանքով մնացել է Հայաստանում, մեզ հետ զրույցում ասաց, որ այդ թեմային չի ցանկանում անդրադառնալ, չի ուզում ոչինչ խոսել։
Այնուամենայնիվ, նման լուր ինքը ստացե՞լ է հարցին Բեգլարյանը հրաժարվեց պատասխանել։
Նարե Գնունի