Միացյալ Նահանգների գիտնականները մաստակ են ստեղծել, որն արգելափակում է Covid-19-ի մասնիկները և չեզոքացնում դրանք։ Այս մասին հայտնում է Reuters-ը։

Փորձարարական մաստակը պարունակում է ACE2 սպիտակուցի պատճենը, որը վիրուսի «թակարդն» է։ Փորձի ընթացքում վիրուսային մասնիկներն ամրացել են մաստակի ACE2 «ընկալիչներին», որից հետո վիրուսային ծանրաբեռնվածությունն իջել է աննկատելի մակարդակի։

«Covid-19 վիրուսի փոխանցումը քթի միջոցով աննշան է՝ համեմատ բերանի միջոցով փոխանցման։ ACE2 սպիտակուցով մաստակ ծամելը և ACE2 պրոտեին ընդունելը պետք է նվազագույնի հասցնեն վարակը՝ դրանով իսկ պաշտպանելով COVID-19 հիվանդներին և կանխելով վարակի փոխանցումը»,- ասում է հետազոտության ղեկավար, Փենսիլվանիայի համալսարանի ստոմատոլոգիական բժշկության դպրոցի դոկտոր Հենրի Դանիելը:

Մաստակի կլինիկական փորձարկումները դեռ շարունակվում են։