Ամանորի նախաշեմին չարժե կիլոգրամներով մանդարին ուտել։ Եթե նորմը պահպանվի, ապա այս ցիտրուսային մրգերը կարող են առողջության համար օգտակար լինել։ Ասել է Մոսկվայի պետական համալսարանի միջազգային գիտահետազոտական և կրթական կենտրոնի էնդոկրինոլոգ, բժշկական գիտությունների թեկնածու Զուխրա Պավլովան իր տելեգրամյան ալիքում։
«Ընդունելի է օրական մինչև հինգ փոքր մանդարին ուտելը»,- ասել է բժիշկը։
Պավլովան ընդգծել է, որ ավելի լավ է օրական նորման բաժանել մի քանի չափաբաժինների։
Բժշկի խոսքով՝ այս ցիտրուսային մրգերը խթանում են ախորժակը, ուստի ավելի լավ է մանդարին ուտել հիմնական սնունդից հետո։
Չնայած այս մրգերը համարվում են ցածր կալորիականությամբ արտադրանք, դրանք բավականին լի են շաքարով:
«Չափավոր քանակությամբ օգտակար են ոչ միայն շերտերն իրենք, այլ նաև կեղևը, որը կարելի է ավելացնել ջրի մեջ։ Մանդարիններում պարունակվող A և C վիտամինները կօգնեն ամրացնել ոսկորները և իմունիտետը»,- հավելել է Զուխրա Պավլովան։