Մեծ Բրիտանիայի թագավոր Չարլզ III-ն իր կրտսեր որդուն՝ արքայազն Հարիին ասել է, որ Եղիսաբեթ II-ի մահից առաջ թագուհուն տեսակցելու համար կնոջ՝ Սասեքսի դքսուհի Մեգան Մարքլի հետ Բալմորալ գալը «սխալ կլիներ». այդ մասին գրում է The Sun պարբերականը։
Պարբերականի հաղորդմամբ՝ Հարին արքայական ընտանիքի անդամներից առաջին է լքել շոտլանդական նստավայրն ու վերջինն էր, ով այնտեղ էր եկել թագուհու առողջական վիճակի վատթարացման մասին լուրերից հետո։ Նշվում է, որ մահից առաջ Եղիսաբեթ II-ին տեսել են երեխաները՝ արքայազն Չարլզն ու արքայադուստր Աննան։
The Sun-ի տվյալներով՝ Հարին գտնվում էր Ֆրոգմոր-հաուսում՝ Վինձոր ամրոցից մեկ կիլոմետր հեռավոտության վրա գտնվող թագավորական նստավայրում, երբ Չարլզը զանգահարել է և զգուշացրել, որ Հարին տատիկին հրաժեշտ տալու համար Բալմորալ գնալիս Մեգանին իր հետ չբերի։
The Sun-ի աղբյուրները նաև հավելել են, որ արքայազն Ուիլիամը Բալմորալից Վինձոր Հարիի հետ չի վերադարձել, ինչը հերթական անգամ փաստում է «նրանց հարաբերություններում սառնության առկայության» մասին։
Հիշեցնենք, որ Մեծ Բրիտանիայի թագուհի Եղիսաբեթ II-ը կյանքից հեռացել է սեպտեմբերի 8-ին 96 տարեկանում։ Թագուհու մահվան պատճառները չեն հաղորդվում: