Հարգելի հայրենակիցներ, քանի որ, վերջին օրերին աշխատանքային այցով գտնվում էի Արցախի Հանրապետությունում (ինչի մասին դեռ մանրամասն խոսելու եմ), ժամանակ չեմ ունեցել անդրադառնալ «Ժողովուրդ» օրաթերթին մարտի 11-ին տվածս հարցազրույցին: Այս մասին իր ֆեյսբուքյան էջում գրել է ՀՀ ԱԺ «Պատիվ ունեմ» խմբակցության ղեկավար, «Հայրենիք» կուսակցության առաջնորդ Արթուր Վանեցյանը։

«Հարցազրույցի շեշտադրումները ձեզ մատուցելու համար ներկայացնում եմ դրա հիմնական թեզերը՝ ըստ քննարկված թեմաների տրամաբանության: 

- Ուկրաինական զարգացումները կարող են նախադրյալ հանդիսանալ նաև Հարավային Կովկասում հնարավոր սրացումների համար:

- Ուկրաինական զարգացումները հերթական անգամ ցույց տվեցին այս կառավարության անտարբերությունը մեր սփյուռքի և ՀՀ սահմաններից դուրս գտնվող քաղաքացիների նկատմամբ:

- Մենք մեր ռազմավարական դաշնակցի հետ երկխոսության հարցում լուրջ խնդիրներ ունենք:

- Մենք գործ ունենք հայ-թուրքական խիստ գաղտնի, քողարկված գործընթացների հետ:

- Կա տպավորություն, որ Հայաստանի այսօրվա իշխանություններն արդեն լծվել են թուրքական նախապայմանները բավարարելու գործին:

- Մենք չենք մոռացել մեր առաքելությունը, մենք աշխատում ենք մեր ձեռքին եղած բոլոր միջոցներով:

- Մենք ժողովրդավարության առումով արագ տեմպերով հետ ենք գլորվում, և սա փաստ է:

- Կառավարման մինիմալ ունակություն չունեցող այս իշխանությունը չի կարող որևէ իրական արդյունքի հասնել ճգնաժամային կառավարման հարցում»:

Ամբողջական հարցազրույցին կարող եք ծանոթանալ՝ անցնելով հետևյալ հղումով։