Մոսկվայի բանկերից մեկում պայթյուն է տեղի ունեցել. Այս մասին հայտնում է Baza Telegram ալիքը։

Հեռուստաալիքի տվյալներով՝ միջադեպը տեղի է ունեցել Յան Ռեյնիս բուլվարում գտնվող ֆինանսական հաստատության մասնաճյուղում։ Նախնական տեղեկություններով՝ ժամը 20։00-ի սահմաններում անհայտ տղամարդը ներխուժել է շենք, որից հետո տարածքում պայթյուն է տեղի ունեցել բանկոմատներում։

Բանկի անվտանգության աշխատակիցները ձերբակալել են հարձակվողին։ Միջադեպի պահին հաստատությունում հաճախորդներ չեն եղել, սակայն ներկա են եղել աշխատակիցներ, որոնց հաջողվել է տարհանել։

Այժմ բանկի տարածքը լցված է ծխով, դեպքի վայր են ուղարկվում շտապօգնության ծառայություններ։ Այս տեղեկատվության պաշտոնական հաստատում կամ հերքում այս պահին չկա։