Մրգային դիետան կարող է հանգեցնել ստամոքս-աղիքային համակարգի հետ կապված խնդիրների, ինչպես նաև արյան մեջ շաքարի մակարդակի բարձրացման, «ՌԻԱՄՕ»-ին ասել է բժիշկ Վերա Սերեժինը:

Նրա խոսքով՝ մրգերը չեն կարող դառնալ սննդի հիմնական աղբյուր՝ օրգանիզմի ֆիզիոլոգիական կարիքների պատճառով։

Ստամոքս-աղիքային համակարգի բնականոն գործունեության դեպքում մրգերը կօգնեն պահպանել միկրոբիոտայի հավասարակշռությունը: Սակայն, եթե այն խախտվի, իրավիճակը կարող է վատթարանալ: Ստամոքս-աղիքային համակարգի հիվանդությունների դեպքում հնարավոր են սրացումներ:

«Կարող է նույնիսկ լինել թունավորման զգացողություն և, որպես արդյունք, առողջության ընդհանուր վատթարացում,- զգուշացրել է Սերեժինը:

Նա նշել է, որ ռիսկի գոտում են ոչ միայն ստամոքս-աղիքային հիվանդություններով մարդիկ, այլև շաքարախտով հիվանդները: Փաստն այն է, որ մրգերը պարունակում են մեծ քանակությամբ ածխաջրեր, որոնց չարաշահումը սպառնում է բարձրացնել գլյուկոզի մակարդակը։