Արցախի Հանրապետության մայրաքաքաղաք Ստեփանակերտի Վերածննդի հրապարակում բազմահազարանոց հանրահավաք է։ Հրապարակում ելույթով հանդես եկավ Աղավնո համայնքի ղեկավար Անդրանիկ Չավուշյանը։
Նա նշեց, որ իշխանության զիջողականության, սխալ քաղաքականության հետևանքով ժամանակավորապես կորցրինք Արցախի դարպասը, Արցախի պարիսպը՝ Աղավնոն: Ա
«Չեմ ուզում առանձնացնել Աղավնոն, բայց այն խորհրդանիշ էր՝ հոգատարության, աշխարհասփյուռ համայնքի ջանքերի մարմնավորումն էր, ուզում եմ վարակիչ լինի Աղավնոյի օրինակը, բայց որ այլևս որևէ համայնք, միլիմետր հող չզիջենք»,-ասաց նա, ապա հավելեց՝ սփյուռքահայերը միշտ Արցախի կողքին են՝ ոչ միայն խոսքով, այլ նաև գործով:
«Հավատում ենք, որ ազնիվ հայորդիների ներուժով նորից հաղթանակ ենք ունենալու, վերաազատագրելու ենք բռնազավթված տարածքները, այնտեղ նորից մեր եռագույնն է ծածանվելու»,-ասաց նա: