Սիրիայի արևելքում գտնվող Դեյր էզ-Զոր նահանգի Կոնիկո գազային հանքավայրի մոտ տեղակայված ամերիկյան ռազմաբազան հրթիռակոծության է ենթարկվել. գրում է Al Mayadeen-ը՝ վկայակոչելով աղբյուրներին։

Հարձակման հետեւանքների մասին տեղեկություն չի հաղորդվում։ Նշվում է, որ հաստատության շրջակայքում պայթյունների ձայներ են լսվել։

Հեռուստաալիքի տվյալներով՝ միջադեպից հետո ԱՄՆ-ի գլխավորած միջազգային հակաահաբեկչական կոալիցիայի ուժերը հարձակվել են նահանգի մի քանի գյուղերի վրա, որոնք գտնվում են Սիրիայի կառավարական ուժերի վերահսկողության տակ։