Զոհված զինծառայողների ծնողները և նրանց սատարող քաղաքացիները, որ քիչ առաջ փակել են Արշակունյաց պողոտան, շարունակում են այն փակ պահել ու վանկարկում են՝ «Առանց թուրքի Հայաստան», «Ազատություն»:
Նրանց են միանում բազմաթիվ քաղաքացիներ:
Զոհված զինծառայողների ծնողները չեն ընդունում, թե Գայանե Հակոբյանը փորձել է առևանգել Նիկոլ Փաշինյանի որդուն՝ Աշոտ Փաշինյանին: Այս րոպեներին դատարանը շարունակում է քննել Գայանե Հակոբյանի հարցը՝ դռնփակ, և հենց այս հանգամանքն է, որ զայրացրել է զոհված զինծառայողների ծնողներին և ստիպել նրանց իրենց բողոքն արտահայտել այս կերպ՝ փակելով Արշակունյաց պողոտան:
Նշենք, որ տարածք են բերվում ոստիկանական լրացուցիչ ուժեր: