Այո, Հայաստանը ՀԱՊԿ-ը լքելու մտադրություն չունի, բայց Հայաստանը, լինելով ՀԱՊԿ-ի անդամ, ունի որոշակի պարտավորություններ ՀԱՊԿ մյուս անդամ երկրների նկատմամբ և ՀԱՊԿ մյուս անդամ երկրները՝ Հայաստանի նկատմամբ։ Այս մասին այսօր ԱԺ-ում ճեպազրույցի ժամանակ ասաց ՔՊ խմբակցության պատգամավոր Գևորգ Պապոյանը։
«ՀՀ-ն երբեք ՀԱՊԿ-ին չի մերժել, որ, օրինակ, ՀԱՊԿ-ը առաքելություն ուղարկի Հայաստան, բայց ՀՀ-ն հստակ հարցնում է՝ «որտե՞ղ է իր առաքելությունն իրականացնելու կառույցը»։ ՀԱՊԿ-ը չի պատասխանում։ Պետք է ֆիքսվի, չէ՞, որտեղ է ՀՀ-ն, և որտեղ է Ադրբեջանը։ Որովհետև եթե իրենք չեն ֆիքսում՝ որտեղից է սկսվում Հայաստանի սահմանը, և որտեղից է սկսվում Ադրբեջանի սահմանը, ի՞նչն են դիտարկելու։ Օրինակ՝ կրակոց եղավ, դա Ադրբեջանն իր տարածքում արեց, թե՞ Հայաստանում արեց։ Կամ Ադրբեջանը 10 քայլ առաջ արեց, դա իր տարածքում արե՞ց, թե՞ Հայաստանի տարածքում արեց։ Հայաստանը ՀԱՊԿ-ից պահանջում է այնպիսի դիրքորոշում, որը ՀՀ-ի պետական և ազգային շահերի հետ է հակընկնում»,- ասաց Պապոյանը։
Պապոյանի խոսքով՝ այս ամենը ՀԱՊԿ-ից նկատելի չէ․ «Մենք չենք ուզի՝ այդպես լիներ։ Բայց այդ տրամաբանությունը ենթադրում է, որ ՀԱՊԿ-ը դուրս է գալիս ՀՀ-ից։ Մենք չենք ուզում դուրս գալ, բայց դե ֆակտո, իրենք մեզ դուրս են դրել այդ պրոցեսից»։
Մանրամասները՝ տեսանյութում