Բագրատ Սրբազանի առաջնորդությամբ հունիսի 17-ին Բաղրամյան պողոտայում անցկացվեց հանրահավաք, որտեղ նա հայտատարեց, որ հունիսի 12-ը նույն Մարտի 1-ն է։

Նախօրեին ասուլիսի ժամանակ Բագրատ Սրբազանն անդրադարձավ իր այդ հայտարարությանը: Նրա խոսքով, Մարտի 1-ի հետ համեմատությունը զուտ անձի հետ է կապված եղել.

«Այդ մարդն ի՞նչ էր ասում Մարտի 1-ին՝ հոգին փառավորվում էր, քաղաքացիներին հրահրում էր, որ ոստիկաններին ջարդեն, երկաթներ վերցնեն, ինքնպաշտպանվեն։ Ես համեմատել եմ այդ դրվագները»,- նշեց նա։

Այս առիթով MediaHub-ն իր ընթերցողների շրջանում անցկացրեց հերթական հարցումը, որի նպատակն էր պարզել՝ համամի՞տ են այս համեմատության հետ: Նշենք, որ նյութը պատրաստելու պահին հարցմանը մասնակցել է ավելի քան 12 000 և մեծամասնությունը չի կիսում Բագրատ Սրբազանի տեսակետը:

Ըստ այդմ, ունենք այսպիսի արդյունքներ։

«Այո» պատասխանն ընտրել է հարցվածների 34%-ը: Նրանք նաև մեկնաբանություններում  նշել են. «Միանշանակ։ Աստծո ողորմությամբ էր որ զոհ չունեցանք», «Այո, դեռ ավելին», «Բագրատ Սրբազանը շատ ճիշտ է»։

«Ոչ» տարբերակն ընտրել է հարցմանը մասնակցածների 54%-ը: Ոմանք մենկաբանություններում նշել են, որ կատարվածը Մարտի 1-ից «ավելի ահավոր էր», իսկ մի մասն էլ, հակառակը, նշել է, որ անհամեմատելի են այդ իրադարձությունները. «Իհարկե համեմատելի չէ: Մարտի 1-ին զինված գազազած ամբոխ էր, իսկ հիմա խաղաղ մարդիկ էին»,- գրել են նրանք:

«Որտեղ Նիկոլ, այնտեղ արյուն» տարբերակն ընտրել է հարցվածների  8%-ը: Ահա մի քանի մեկնաբանություն. «Սաղ Նիկոլի ձեռագիրն  ա»; «Նիկոլի ու Աննայի սիրտը արյուն է ուզում, Մարտի մեկի դեպքերը  հրահրել է հենց Նիկոլը»; «Այո,որտեղ Նիկոլ,այնտեղ արյուն․ չորանար նրա ոտը ՝ չգար»:

Հարցմանը մասնակցած ընթերցողների 4%-ն էլ ընտրել է «Ընդհանրապես համեմատելու չեն, ուղղակի PR է անում» տարբերակը:

Ահա մի քանի մեկնաբանություն ևս. 

«Սա ավելի վատ էր, քան Մարտի 1-ը։ Մարտի 1-ին նիկոլենք ջարդուփշուր էին անում ամեն ինչ, մեքենաներ էին այրում, իսկ այստեղ մանկասալյայով երեխաներ էլ կային, կանայք էլ. սա բարբարոսություն էր, հանցագործություն»:

«Մարտի 1-ն էլ նիկոլի սարքածն էր»:

«Ապրեն մեր հզոր ոստիկանները: Կեցցե մեր ուժեղ ոստիկանները»:

Վիկա Աբգարյան