Պլաստմասան կարող է ժամանակի ընթացքում վնասակար նյութեր արտադրել, որոնք կարող են տարատեսակ առողջական խնդիրների պատճառ դառնալ մարդու համար:
cameralabs.org-ի փոխանցմամբ՝ յուրաքանչյու շշի վրա նշված են տարբերանշաններ, դրանք դասակարգելու համար։
PET կամ PETE-ն բացառապես մեկանգամյա օգտագործվող շշերն են։ Դրանք կարող են հեղուկների մեջ արձակել ծանր մետաղներ և քիմիական նյութեր, որոնք ազդում են մարդու հորմոնալ հավասարակշռության վրա։
HDP կամ HDPE տեսակի պլաստիկը բավականին որակյալ է, որը գրեթե ոչ մի նյութ չի արտադրում։
PVC կամ V նյութից պատրաստված շշերն արտադրում են առնվազն երկու տեսակի քիմիական նյութեր, որոնք վնասակար են մարդու համար։ Սովորաբար այն օգտագործվում է ձեթի շշերի տեսքով։
LDPE տեսակի պլաստիկից պատրաստված շշերում պահվող ջուրը միանգամայն ապահով է, սակայն այս տեսակի պլաստիկից պատրաստված տոպրակները կարող են վտանգավոր լինել։
PP-ն ունի բաց սպիտակ գույն, օգտագործվում է որպես յոգուրտների կամ մածունների տարա։
PS-ն օգտագործվում է սուրճի բաժակներ կամ արագ սննդի ափսեներ պատրաստելու համար։
PC կամ առանց որևէ տարբերանշանի պլաստիկի տարաներն ամենավտանգավորն են։ Պոլիկարբոնատից պատրաստված տարայում ջուր կամ սնունդ պահել բոլորովին պետք չէ, քանի որ այն արտադրում է Bisphenol A նյութը, որը վնասակար է մարդու օրգանիզմի համար։ Այն հորմոնալ խախտումներ է առաջացնում և արգելակում է էստրոգեն կոչվող հորմոնի արտադրմանը։