Դրամի փոխարժեքը՝ այսօր
Եղանակը՝ այսօր
MediaHub TV

Կոռնիձորի սահմանային հատվածում ստեղծվել է հումանիտար կայան

Լեռնային Ղարաբաղի ժողովրդին հումանիտար օգնություն հասցնելու հարցն այս պահին օրհասական է: Այդ մասին այսօր Կոռնիձորի սահմանային հատվածում լրագրողների հետ զրույցում ասաց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:

Նրա խոսքով՝ Կոռնիձորի սահմանային հատվածում այսօր բացվել է հումանիտար կայան, որը նախատեսված է հումանիտար օգնությանը միանալու ակցիաների շրջանակում օտարերկրյա լրատվամիջոցների, հյուրերի համար՝ որպես կայանման վայր:

«Որպես խորհրդանշական վայր դարձած Կոռնիձորի սահմանային հատվածում, որտեղ գտնվում են բեռնատարները, պարբերաբար տեղի են ունենում այցելություններ նաև միջազգային մեր գործընկերների, միջազգային լրատվամիջոցների կողմից, տարբեր հասարակական-քաղաքական շրջանակների կողմից, և սա կայանման, ժամանման վայր է, որտեղ մեր գործընկերները կարող են գալ»,- ասաց նա:

Վարդան Սարգսյանը տեղեկացրեց, որ Ֆրանսիայից ուղարկված հումանիտար բեռը, որն ուղեկցում է Փարիզի քաղաքապետի գլխավորած պատվիրակությունը, արդեն Կոռնիձորի սահմանային հատվածում է: Ռուս խաղաղապահներն այդ մասին տեղյակ են: 

Մանրամասները՝ տեսանյութում։

Send