Ռուսաստանում այսօր մասնակի մոբիլիզացիա է հայտարարված. այդ մասին ուղիղ եթերում հայտնեց ՌԴ նախագահ Վլադիմիր Պուտինը:
Արվեցին մի շարք կարևոր հայտարարություններ ևս.
- Զինվորական ծառայության զորակոչի կենթարկվեն միայն այն քաղաքացիները, ովքեր գտնվում են պահեստազորում և, առաջին հերթին, զինված ուժերում ծառայած, զինվորական որոշակի մասնագիտությունների և համապատասխան փորձի առկայության դեպքում։
- Զինվորական ծառայության զորակոչվածները նախքան զորամասեր ուղարկելը անպայման լրացուցիչ զինվորական պատրաստություն կանցնեն։
- Պաշտպանական ձեռնարկությունների նյութական, ռեսուրսային և ֆինանսական աջակցության բոլոր հարցերը պետք է լուծվեն կառավարության կողմից անհապաղ։
- Ռուսաստանին խնդրել են աջակցել հանրաքվեներին։ Ընդգծեմ, որ ամեն ինչ անելու ենք հանրաքվեների անվտանգ անցկացումն ապահովելու համար։
- Ամբողջ Ուկրաինայում բռնաճնշումների ռեժիմը ամրապնդվել է ամենադաժան ձևով։ Ահաբեկման և բռնության քաղաքականությունը գնալով ավելի ու ավելի սարսափելի բարբարոսական ձևեր է ստանում։
- ԼԺՀ-ն գրեթե ամբողջությամբ մաքրված է նեոնացիստներից։ Դոնեցկի Հանրապետությունում մարտերը շարունակվում են։
- Ես արդեն հանձնարարականներ եմ տվել կառավարությանը, պաշտպանության նախարարությանը ամբողջությամբ և ամենակարճ ժամկետներում՝ ճշտելու ԼԺՀ-ի և ԴԺՀ-ի կամավորների և մարտիկների իրավական կարգավիճակը։ Այն պետք է լինի նույնը, ինչ սովորական զինվորականներինը՝ ներառյալ բժշկական օգնությունը, սոցիալական երաշխիքները։
Տեսանյութը՝ այստեղ