Իսպանական Պամպլոնա քաղաքում Սան Ֆերմինի փառատոնում ցլերի վազքի ժամանակ վեց մարդ է տուժել։ Նրանք վնասվածքներով տեղափոխվել են հիվանդանոց, հայտնել է Կարմիր Խաչը։

Ցլերի վազքը, որը տեւել է երեք րոպե 10 վայրկյան, հանգեցրել է մի քանի տհաճ պահերի, երբ վազորդները սահել են կամ սայթաքել են ու ընկել այն ժամանակ, երբ ցլերը սրընթաց վազելիս են եղել երթուղու նեղ փողոցներով, հաղորդում է AP-ն:

Սան Ֆերմինում ամենավտանգավոր վնասվածքներն այն վերքերն են, երբ ցլի եղջյուրը մխրճվում է վազորդի մեջ:

2019 թվականին՝ COVID-19 համավարակի պատճառով երկամյա ընդմիջումից առաջ վերջին փառատոնի ժամանակ ցլերը ութ մարդու էին պոզահարել։ 1910 թվականից ի վեր Պամպլոնայում ցլերի մրցավազքում տասնվեց մարդ է զոհվել։ Վերջին մահը գրանցվել է 2009 թվականին։