2023 թվականին ձկնագողերն ավելի քան 12 մլն դրամի վնաս են հասցրել Հայաստանի կենդանական աշխարհին: Հայտարարել է ԲԸՏՄ ղեկավարի տեղակալ Վրեժ Գալոյանը 2023 թվականի ընթացքում կատարված աշխատանքի ամփոփիչ միջոցառմանը։
Ըստ նրա՝ սիգի ձվադրմամբ պայմանավորված Սևանա լճում ձկնորսության արգելքի ընթացքում առգրավվել է 2433.1 կգ սիգ տեսակի թարմ ձուկ, 3 լողամիջոց, 227 ձկնորսական ցանց, 23 խեցգետնորսիչ։
Պատճառված վնասը գնահատվել է 12 մլն 165 հազար 320 դրամ, հարուցվել է 5 քրեական գործ:
Ընդհանուր առմամբ, 2023-ին իրականացրած վերահսկողական տարբեր միջոցառումների ընթացքում առգրավվել է 8 որսորդական զենք, 11 լողամիջոց, 254 ձկնորսական ցանց և 1192 խեցգետնորսիչ։