Մեղադրող դատախազը բան չուներ ասելու, դրա համար խոսում էր շատ երկար։ Այդ մասին այսօր Նարեկ Մալյանի գործով դատական նիստից հետո լրագրողների հետ զրույցում ասաց փաստաբան Տիգրան Աթանեսյանը։
Հիշեցնենք, որ Դատախազությունը բողոքարկել է Նարեկ Մալյանի՝ «Չաուշեսկուների գործի» վճիռը։
Աթանեսյանի խոսքով՝ բերված բոլոր միջազգային փաստաթղթերը Նարեկ Մալյանի օգտին էին, և դատախազը փորձում էր այլ մեկնաբանություն տալ դրանց։
«Կան կոպիտ իրավաբանական սխալներ։ Մահապատիժը սպանությունից չտարբերելը վայել է անկիրթ մարդուն, բայց ոչ իրավաբանին։ Սպանությունը մարդուն կյանքից ապօրինի ձևով զրկելն է, իսկ մահապատիժը՝ օրենքի ուժով։ Չաուշեսկուն և իր կինը օրենքով են մահապատժի դատապարտվել ու ենթարկվել, ու այդ դատավճիռը ոչ մի անգամ չի բողոքարկվել որևէ մեկի կողմից»,- նշեց նա։
Աթանեսյանը նկատեց՝ հաջորդ դատական նիստին միջնորդությամբ է հանդես գալու, որ Դատախազությունը Գարեգին Նժդեհի վրա գործ հարուցի՝ Սյունիքը թուրքերից դատարկելու համար։
«Վստահ եմ, որ իրենք դա էլ կանեն»,- նկատեց նա։
Մանրամասները՝ տեսանյութում։