«Այս հանդիպումը շարունակությունն է Ձեր հետ հանդիպման, որը տեղի ունեցավ Աթենքում դեկտեմբերին, ինչպես նաև այն հանդիպումների և քննարկումների, որոնք տեղի ունեցան մի քանի օր առաջ պարոն Փաշինյանի հետ։ Թույլ տվեք անկեղծ լինել ու ասել, որ մենք նույն ողբերգությունների միջով ենք անցել, հալածանքների ու հետապնդումների, ցեղասպանության միջով ենք անցել, մեր ժողովուրդները միասին տառապել են, և այս ամենը ստեղծել է ամուր կապեր հայերի և հույների միջև»,- ՀՀ պաշտպանության նախարար Սուրեն Պապիկյանի հետ համատեղ ասուլիսի ժամանակ ասաց Հունաստանի ազգային պաշտպանության նախարար Նիկոլաոս Դենդիասը։
Հույն նախարարը նշեց, որ ամբողջ աշխարհը պետք է ստեղծի ընդհանուր անվտանգային միջավայր առկա մարտահրավերներին դիմակայելու համար։
«Հունաստանը ավելի քան վստահ է, որ բոլոր խնդիրները պետք է լուծվեն խաղաղ ճանապարհով, մենք սկզբունքորեն դեմ ենք ցանկացած ռազմական գործողության այս տարածաշրջանում: Մենք գտնում ենք, որ խաղաղությունն է կարևորագույնը, ուստի կողմ ենք Հայաստանի և Ադրբեջանի միջև խաղաղության հաստատմանը միջազգային օրենքի շրջանակում»,- ասաց նա:
Մանրամասները՝ տեսանյութում