Դրամի փոխարժեքը՝ այսօր
Եղանակը՝ այսօր
Միջազգային

Ադրբեջանը հատուկ նշանակություն է տալիս․ Ալիևը շնորհավորել է Դոնալդ Թրամփին

Blog Image

Ադրբեջանի նախագահ Իլհամ Ալիևը շնորհավորել է Դոնալդ Թրամփին ընտրություններում հաղթանակի կապակցությամբ։

«Ադրբեջանի Հանրապետությունը հատուկ նշանակություն է տալիս Ամերիկայի Միացյալ Նահանգների հետ հարաբերությունների համակողմանի զարգացմանը։ Ձեր առաջին նախագահական ժամկետում դուք մեծ ուշադրություն եք դարձրել Ադրբեջանի և Միացյալ Նահանգների միջև բարեկամության ու համագործակցության հարաբերությունների ամրապնդմանը, մեր համագործակցության մշտական ​​ու հետևողական զարգացմանը»,- մշել է նա, հայտնել են ադրբեջանական լրատվամիջոցները։

Ալիևն ընդգծել է ԱՄՆ-ի շարունակական աջակցությունը Ադրբեջանի էներգետիկ ռազմավարությանը։

Նրա խոսքով՝ Ադրբեջանը հավատարիմ է բոլոր ոլորտներում երկկողմ գործընկերության հետագա ընդլայնմանն ու խորացմանը։

«Վստահ եմ, որ մենք կշարունակենք համատեղ ջանքեր գործադրել՝ ամրապնդելու Ադրբեջանի և ԱՄՆ-ի միջև բարեկամական հարաբերություններն ու խթանելու մեր գործընկերությունը՝ հիմնված մեր երկրների ազգային շահերի վրա, ներառյալ ազգային անվտանգության շահերը»:

Send