ԱՄՆ նախագահ Դոնալդ Թրամփը ստորագրել է գործադիր հրաման, որը ճանաչում է ԱՄՆ-ում երկու անփոփոխ սեռերը՝ արական և իգական, և մերժում է այսպես կոչված գենդերային գաղափարախոսությունը։ Փաստաթուղթը հրապարակվել է Սպիտակ տան կայքում։
«Միացյալ Նահանգների քաղաքականությունն է՝ ճանաչել երկու սեռ՝ արական և իգական, մարդու սեռն անփոփոխ է և հիմնված է հիմնարար և անվիճելի իրականության վրա»,- ասվում է փաստաթղթի տեքստում։
Նշվում է, որ «գենդեր» հասկացությունը վերաբերում է անհատի անփոփոխ կենսաբանական դասակարգմանը և հոմանիշ չէ «գենդերային ինքնություն» հասկացության հետ, որը կոչվում է «սեփական ես-ի լրիվ ներքին և սուբյեկտիվ զգացում»։
Հրամանագրում նշվում է նաև, որ «կին» և «աղջիկ» բառերը վերաբերում են չափահաս և անչափահաս կանանց, իսկ «տղամարդ» և «տղա»՝ համապատասխանաբար արական սեռի ներկայացուցիչներին:
Փաստաթուղթը անդրադարձ կա «գենդերային գաղափարախոսությանը», որը սեռը դասակարգում է որպես հասկացություն, որը կարող է փոխվել անհատի կամքով: Այս գաղափարախոսության կողմնակիցների այն պնդումը, թե տղամարդիկ կարող են նույնականացնել որպես կին, իսկ կանայք՝ տղամարդ, ճանաչվում է որպես կեղծ:
Թրամփը նաև հանձնարարել է, որ կանանց կամ տղամարդկանց համար նախատեսված անձնական տարածքները օգտագործվեն միայն համապատասխան սեռի անհատների կողմից՝ հիմնվելով կենսաբանական հատկանիշների վրա, ոչ թե սուբյեկտիվ ինքնության վրա: