Ռեփեր Էմինեմը պատմել է, թե ինչպես է կյանքի ու մահվան արանքում հայտնվել։ Նա այս ամենի մասին անկեղծացել է, երբ ելույթ է ունեցել Ռոքն-ռոլի փառքի սրահում անցկացված արարողության ժամանակ։ Տեղեկությունը հրապարակել է pagesix.com-ը:

«Ես կարող եմ ասել, որ երաժշտությունը, պարզապես, իրականում փրկել է իմ կյանքը… Այս երեկո ես այստեղ չպետք է լինեի, հաշվի առնելով մի շարք պատճառներ:

Առաջին հերթին, քանի որ ես ռեփեր եմ, իսկ սա Ռոքն-ռոլի փառքի սրահն է և երկրորդը, քանի որ 2007 թվականին չափից շատ թմրանյութ օգտագործելու հետեւանքով քիչ էր մնում մահանայի...»,- ասել է երաժիշտը:

Այս ընթացքում նա խնդրել է աղջկան փակել ականջները, որպեսզի չլսի այս ամենը։