Ֆրանսիայի նախագահ Էմանուել Մակրոնը ՀՀ վարչապետ Նիկոլ Փաշինյանի հետ քննարկել է Հայաստանի և Ադրբեջանի սահմանին աճող լարվածությունը և կոչ արել բոլոր տարաձայնությունները լուծել միայն դիվանագիտական ճանապարհով․ այս մասին շաբաթ օրը հայտնել է AFP-ն՝ հղում անելով Ելիսեյան պալատին։
Մակրոնը վերահաստատել է իր հավատարմությունը Լեռնային Ղարաբաղում «մարդասիրական ճգնաժամի լուծմանը» և «հակամարտության արդար և տեւական լուծմանը՝ միջազգային իրավունքին համապատասխան և բացառապես դիվանագիտական միջոցներով»։