Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

«Ալաշկերտի» գլխավոր մարզիչը հրաժարական է ներկայացրել

Blog Image

ՀՀ գավաթի խաղարկությունում «Գանձասարից» կրած պարտությունից հետո, որը թիմի համար երրորդն էր նախորդ երկու շաբաթվա ընթացքում, հրաժարական է ներկայացրել «Ալաշկերտի» գլխավոր մարզիչ Կարեն Բարսեղյանը։ Այս մասին տեղեկացնում է երևանյան ակումբի մամուլի ծառայությունը։

Նշվում է, որ քննարկումից հետո հրաժարականն ընդունվել է ակումբի ղեկավարության կողմից։

«Մենք ձախողեցինք գավաթային հանդիպումը, ինչի պատասխանատվությունն ամբողջությամբ ինձ վրա եմ վերցնում։ Այդպիսի արդյունքից հետո որոշեցի հրաժարական ներկայացնել։ Շնորհակալություն եմ հայտնում ակումբի նախագահին՝ վստահության համար։ Շնորհակալ եմ նաև մարզչական շտաբիս անդամներին, ֆուտբոլիստներին և ադմինիստրատիվ կազմին՝ համատեղ աշխատանքի համար։

Հուսով եմ, որ «Ալաշկերտը» ապագայում մեծ հաջողությունների կհասնի, սա հարազատ ակումբ է ինձ համար»,- Բարսեղյանի հրաժեշտի խոսքերն է մեջբերում ակումբի մամուլի ծառայությունը։

«Ալաշկերտ» ֆուտբոլային ակումբը շնորհակալություն է հայտնել Բարսեղյանին՝ կատարած աշխատանքի համար և հաջողություն մաղթել հետագա կարիերայում։

Send