Դրամի փոխարժեքը՝ այսօր
Եղանակը՝ այսօր
Ժամանց

Մասկը չեղարկել է Twitter-ի աշխատակիցների լրացուցիչ հանգստյան օրերը

Blog Image

Tesla-ի և SpaceX-ի հիմնադիր Իլոն Մասկը չեղարկել է Twitter-ի աշխատակիցների լրացուցիչ հանգստյան օրերը: Այս մասին հայտնում է Bloomberg-ը՝ հղում անելով աղբյուրներին։

Նշվում է, որ ձեռնարկատերը մտադիր է նաև չեղարկել հեռավար աշխատանքի հնարավորությունը և ապահովել, որ կրճատումներից խուսափած աշխատակիցները լրիվ դրույքով վերադառնան գրասենյակ:

Գործակալության տվյալներով՝ ընկերության աշխատակիցների համար լրացուցիչ ամսական հանգստյան օր է սահմանվել կորոնավիրուսային համավարակի ժամանակ։

Իլոն Մասկը Twitter-ի գնման գործարքն ավարտեց հոկտեմբերի 27-ին: Պայմանագրի գումարը կազմել է 44 մլրդ դոլար։ Ինքը՝ գործարարը, գնման որոշումը բացատրել է մարդկությանը օգնելու ցանկությամբ։ Նա նշել է, որ քաղաքակրթության համար կարևոր է համարում ունենալ մեկ թվային հարթակ, որտեղ առողջ մթնոլորտում կարող են քննարկվել տարբեր կարծիքներ։

Send