ԱՄՆ նորընտիր նախագահ Դոնալդ Թրամփը գործարկել է սեփական մեմային կրիպտոարժույթը։

Քաղաքական գործիչը համապատասխան գրառումներ է հրապարակել Truth Social-ի և X-ի իր աքաունթներում։

Գրառումը ներառում է հղում, որը տանում է դեպի Trump Meme կոչվող էջը, որտեղ կարել է գնել memecoin:

«Իմ ՆՈՐ Պաշտոնական «Թրամփ մեմն» ԱՅՍՏԵ՛Ղ է: Ժամանակն է տոնելու այն ամենը, ինչի համար մենք հանդես ենք գալիս՝ ՀԱՂԹԵԼՈՎ: Միացե՛ք իմ շատ հատուկ Թրամփ համայնքին: ՁԵՌՔ ԲԵՐ ՔՈ $TRUMP-ը ՀԻՄԱ: Գնա՛ http://gettrumpmemes.com, Զվարճացի՛ր»,- գրել է ԱՄՆ նախագահը։

Memcoin-ը հիմնարար արժեք չունեցող կրիպտոարժույթ է, որը ստեղծվել է զվարճանալու և դրա փոխարժեքի աճի վրա գումար վաստակելու համար: Ամենից հաճախ, memecoin-ները վերաբերում են ինտերնետային մեմերին, սոցիալական թրենդներին կամ որոշ իրադարձությունների:

2024 թվականին մեմքոյնը դարձել է կրիպտոշուկայի ամենաարագ զարգացող հատվածը՝ տարեսկզբից ի վեր 1800%-ից ավելի կապիտալիզացիայի աճով: Դրանց թվում են քաղաքականությանը նվիրվածները՝ MAGA (TRUMP), Maga Hat (MAGA), Super Trump (STRUMP), Kamala Horris (KAMA):